24 мамыр күні 1-11 сынып оқушыларымен “Білімім – Отаныма!» тақырыбында жалпыреспубликалық бірыңғай сынып сағаты өткізілді.
2023-2024 оқу жылының қорытынды сынып сағатының мақсаты: оқушылар ұстаздарды құрметтеуге, білім ұясына қамқор, білім алуға құштар болуға, жыл бойы алған білімінің нәтижесін қорытындылай білуге тәрбиелеу.
Сынып сағаты 09:00-де ҚР Гимнін орындаумен басталды. Оқушылар интерактивті тақтадан ҚР Оқу-ағарту министрінің еліміздің барлық білім алушыларына арнаған құттықтауын тыңдап, республика бойынша оқушылардың жетістіктері туралы бейнеролик тамашалады.
Мектеп әкімшілігі биылғы оқу жылында жетістікке жеткен оқушыларды арнайы құттықтап, ізгі тілектерін білдірді.